鼠仔講嘢太慳字，同事上司跟唔上進度

今日你講嘅嘢，對方聽完可能會理解錯，尤其係工作上嘅指令，記得要講多幾次或者寫低先。

今日太陽同火星夾得好，你個人會好有動力，特別係想快啲完成手頭上嘅嘢。不過月亮喺獅子座又殘月，你講嘢嘅時候語氣會比較急，或者太慳字，搞到對方聽完一頭霧水。尤其是開會、send message 或者同上司匯報，最好寫清楚重點，唔好靠對方自己領悟。

財運方面，今日唔啱衝動買嘢。你見住個價錢話抵，但實際未必啱你用。健康留意喉嚨同聲帶，講得太多會攰，飲多啲水。

感情方面，同另一半溝通都係小心為上。你覺得係關心，對方可能聽落似挑剔。夜晚放工後最好唔好再傾公事，一齊睇吓電視輕鬆吓仲好。