雞仔返工聽漏老細指示轉頭要問多次 屋企傾錢銀時間一嚿雲 記性跌watt靠筆寫低穩陣

月亮對分土星，記性同判斷力會差少少，聽人講嘢容易聽漏。

月亮今日留喺天秤座，仲要同土星打對台，你嘅記性同判斷力即刻會跌watt。返工嗰陣，老細或者同事講嘅嘢，你好容易聽漏甚至聽錯，轉頭又要問多次，畀人覺得你遊魂冇心做嘢。

屋企方面，最好唔好揀今日同家人傾重要嘢，尤其係牽涉錢銀或者時間安排，講完都係一嚿雲，隨時拗到面紅耳熱。

身體上，呢幾日壓力爆燈，夜晚成日諗太多瞓得差，搞到日頭冇晒精神。如果係返工，建議重要嘅嘢用筆寫低，唔好靠記憶。