開會傾錢銀嘢隨時被會錯意，合約睇清先好簽

今日金星同冥王星有刑剋，屬牛嘅人傾生意或者同人講數會拗到面紅，簽約前要再三確認細節。

牛牛今日出門要打醒十二分精神，返工開會嗰陣就算你自問講得好清楚，對方聽完隨時理解錯晒，成件事亂晒籠，仲要係同錢銀有關嘅嘢更加要小心。合約條款睇多兩眼，唔好咁快簽字。

感情方面，你以為冇事，另一半可能因為你一句無心說話嬲咗，今日少啲講笑，多啲聽人講嘢，慳返場交嗌。單身嘅牛牛遇到嘅對象表面好吸引，相處落會發現大家價值觀差好遠，都係做住朋友先。

身體冇乜大礙，但瞓覺質素麻麻，日頭諗太多嘢，夜晚自然瞓唔冧。最好早啲沖涼放鬆吓，唔好再諗工作嘢。