開會傾嘢把口要斬釘截鐵，發覺同事古怪忍住先唔好爆

殘月光度細，加上土星逆行夾太陽，講嘢要小心被人斷章取義。

今日太陽同土星爭零點幾個度，呢種天象好易搞到人同人之間傾偈出誤會。喺公司或屋企把口收緊少少，你講嘅嘢有機會俾人聽錯，甚至偷偷錄低，轉個頭就用嚟質問你。開會同傾合約嗰陣，每句說話最好斬釘截鐵講清楚，唔好留灰色地帶。

月亮留喺巨蟹座，又係一彎殘月，直覺會特別敏銳，但好容易過份敏感。你發覺邊個同事或朋友態度古怪，唔好即刻爆，忍一忍手退後一步先至慢慢問清楚。今日絕對唔係拗數嘅好日子，拖多幾日再傾會穩陣好多。

錢銀上土星逆行提你要保守，咪亂掂高風險嘅投資產品。身體方面，殘月同太陽對分，搞到人特別易攰，夜晚早少少唞，唔好死撐捱夜碌手機。