開口易惹誤會，傾生意記得覆實重點先好散會

新月影響溝通，把口要收一收，好易惹誤會。

今日月亮喺處女座新月，你開口講嘢特別易俾人會錯意，明明想表達A，對方聽入耳就變咗B。返工開會定傾生意，記得覆多次重點，費事之後要掉轉頭補鑊。

錢銀方面，今日咪做大決定，尤其係買貴價嘢或者簽約呢類，忍一忍手等聽日。身體方面，個腸胃零舍敏感，食嘢揀清淡少少，唔好貪新鮮亂試。

感情上，單身嘅人會撞返個舊朋友，不過唔好咁快諗住發展，慢慢摸清對方底細先。有伴侶嘅要睇住自己把聲同語氣，唔好為咗雞毛蒜皮嘅事開火。