返工聽乜都覺得哽耳，收聲做嘢最穩陣，收工唔好再諗

今日同事講親嘢都好似有骨，唔好上心，聽完就算。

個月亮今日刑住海王星，返到公司硬係覺得啲同事句句說話都帶刺咁。明明人哋冇心，自己聽落就周身唔聚財。最怕你一個唔覺意火遮眼，衝口而出同人嘈起上嚟，搞到成日嘅氣氛都臭晒。穩陣啲，專注做返自己嘢，少搭嘴為妙。

收咗工就咪再將公司啲嘢𢭃返屋企諗。索性約班friend出嚟吹下水，又或者自己去行陣街散散心，分走吓啲注意力。講到錢銀呢，今日借錢畀人或者同人夾份買嘢都好易惹上手尾，可免則免。

健康方面，夜晚瞓覺會發啲古靈精怪嘅夢，分分鐘仲會醒幾次。唔使騰，殘月相位係咁㗎啦。早啲收工，攤喺度聽陣歌放鬆吓就冇事。