蛇仔開口交代嘢對方聽錯晒 開會傾生意記到亂籠 返去用文字留底穩陣

月亮對分土星，你嘅意思好易被人扭曲，重要訊息最好白紙黑字寫清楚。

月亮今日對分土星，令你同人溝通出現暗湧。明明你自問講到一清二楚，對方偏偏只聽自己想聽嘅，仲會抽你其中一兩句無限放大。開會傾生意最明顯，你以為重點已經交代晒，轉個頭就發覺對方記到亂晒籠，甚至理解成完全相反嘅意思。

工作上交帶嘢唔好靠把口，用電郵或者通訊軟件留底穩陣好多。返到屋企都係，同家人商量完記得寫低，有必要就錄音，減少無謂爭拗。

眉月光度偏低，你都容易覺得攰，夜晚收工就唔好再諗咁多，早啲唞。財運冇乜大起伏，但要避開幫人做擔保或者借錢出去。今日好多時間就咁花喺解畫上邊，把口冇停過但冇實質回報。