老細突擊問話腦霧答錯 熟人借錢手腳唔乾淨咪心軟

今日講嘢要諗清楚先出口，唔係好易俾人捉到痛腳。

今日太陽喺天蠍座，月亮同海王星又夾埋一齊，個腦實會矇查查。返工嗰陣，老細無端端捉住你問嘢。你越急就越亂，答案唔經大腦就彈咗出嚟，事後後悔到爆，怨自己點解唔講好啲。錢銀方面，有熟人想借錢，你心軟想幫手，但睇真啲，佢近排手腳唔乾淨，千祈咪亂應承。屋企人同你傾親戚聚會點搞，你由得佢話事啦，費事拗餐死。身體呢，條頸同膊頭硬到死，坐得耐記得起身捰幾下，唔係夜晚有排你捱。