約人食飯對方臨時甩底 忍口唔好衝動掃貴價貨

金星冥王星相沖，今日感情事易生變數，約會隨時改期，預留後備方案穩陣啲。

今日金星同冥王星有啲唔夾，搞到你喺感情上嘅判斷會出現偏差。本來約好咗嘅飯局或者見面，對方臨時甩底嘅機會好高，又或者你自己會突然覺得冇癮想推咗佢。如果係重要約會，最好預早確認多次，同埋諗定後備方案，唔好一嚟就將所有時間押喺一件事上。

工作上，今日你講嘢比較直接，容易得罪人，尤其係對住啲資歷深嘅同事，忍一忍把口，講嘢婉轉啲會少好多麻煩。錢銀方面，唔好衝動買嘢，見到啲貴價嘢心郁郁想出手，諗多陣，聽日再算。

身體冇咩大礙，不過月亮喺水瓶座，令你有啲精神緊張，瞓覺前可以做下深呼吸，放鬆吓。整體嚟講，今日係考驗你應變能力嘅一日，穩陣為上。