牛牛今日開口即得罪人 同事當你擦鞋屋企人話你串

月亮刑相金星，影響牛牛表達，小心被人誤會。

虧凸月留喺巨蟹座，仲要同金星形成刑相，搞到你把口今日好似唔係自己嘅咁。明明想同同事解釋一個步驟，人哋就當你扮晒嘢擦老細鞋，成件事錯到離譜。返到屋企，隨口一句又畀人話你串，但你根本就冇咁嘅意思。

水星逆行仲未走得甩，電子產品同通訊 apps 特別唔生性。撳 send 之前望多兩眼，費事傳錯 group 或者打錯字。今日把口最好用嚟食飯，少啲發表，尤其是老細叫你開咪或者有重要 call，推得就推去聽日先講。

財運方面，有人拍心口話有筍嘢，記住停一停，畀啲時間自己消化。健康冇乜大礙，不過開口之前留意吓語氣，費事啲人誤會你燥底。