同事翻舊賬數你當年今日，忍一時唔好駁嘴

今日講嘢易被人翻舊帳，錢銀上有啲小誘惑，睇緊啲先好郁手。

今日太陽六合木星，相位本身幾順，弊在月亮躋咗喺天蠍座，又係眉月，個人零舍敏感，人哋一提起舊事你就好難唔上心。返工嗰陣，老闆或者同事會翻兜以前啲Case出嚟講，數返你當年點點點，聽完唔好即刻駁嘴，忍一忍就過。

錢銀方面有啲引誘，譬如有人撩你夾份買嘢或者投資，表面似層層咁，但金星仲逆緊行，呢個時候特別易睇漏眼。買之前計多兩次數，再搵個朋友畀吓意見，穩陣好多。健康冇乜大礙，係夜晚瞓得唔好，個腦係咁轉，臨上床擺低部電話，俾佢靜一靜先。

感情上同另一半傾偈要執生，你以為講笑嘅說話，佢會當真，無端端搞到唔開心。單身嘅，今日撞到嘅人未必係你杯茶，慢慢嚟，唔使急。