同事交帶嘢轉頭就唔記得，做嘢前要寫低

月亮三合海王星令你精神散漫，今日講嘢做嘢都容易甩漏，要提自己專心返少少。

今日月亮喺獅子座，仲要三合海王星，你成個人好似發緊夢咁，記性特別差。同事同你講過嘅嘢，轉頭你就唔記得，搞到人哋要重複講多次，做嘢之前最好即刻寫低 Notes，唔好靠個腦死記。

屋企方面，屋企人實會嫌你遊魂，話你唔上心。其實你唔係特登嘅，只係今日精神狀態唔集中，個魂魄都唔知飄咗去邊。財運平平，合約或者涉及數目字嘅文件都唔好亂簽，好易睇錯嘢。健康方面，瞓覺唔夠會再拖低集中力，今日早啲唞啦。