雙魚座趁新月許願要即刻記低 專注一兩樣工作咪分心搞其他嘢

今日新月力量強，適合許願，但記性麻麻。

月亮同太陽雙雙走入處女座，夾埋粒新月，呢個日子好啱許願。特別係你一路想執返好嘅生活習慣或者工作流程，呢股能量會順勢推你一把。但你要醒水，許完願要即刻搵嘢記低佢，如果唔係，轉個頭就會唔記得晒。

太陽六合火星畀到行動力你，弊在火星喺雙子座，好易令你分心。今日最穩陣係盯實一兩件事，咪咁大貪。愛情就係平淡格局，冇乜驚喜火花。