老友開聲借錢你實心軟 應承完先肉赤不如熄機扮睇唔到

月亮刑金星，情緒同銀包都易受影響，小心俾友情綁架。

虧凸月高掛巨蟹座，光度仲有啲刺眼，同金星夾到近乎直角，你今日嘅心情同待人接物實會撞到嘭嘭聲。最易出事嘅位係錢銀，好可能因為一時心軟，又或者頂唔順老友開聲，應承借出去之後先識得肉赤。

水星同金星雙雙逆行，講嘢同感情都立立亂。人哋把口未必句句真，你自己個腦亦轉得快過龍。今日千祈唔好掂任何同錢有關嘅決定，特別係要借俾人嗰種，等聽日先慢慢諗啦。