清稅單合約唔好再拖 舊情人浮面咪手痕搵人

月亮六合金星幫你理清舊事，但金星逆行令你對舊情有啲執着，小心過度沉迷。

趁月亮留守山羊座又同金星夾得埋，執返啲陳年檔案、合約就最啱時候。特別係保險單、稅單或者屋企鎖碎嘢，拖咗咁耐，今日精神夠集中，一嘢清走佢，慳返大把時間。

不過金星仲係逆行緊，舊情人、舊朋友嘅影會無端端浮上心頭。未必想復合，但個心就係成日走返去以前。記住，諗下冇所謂，千祈咪手痕撳訊息出去，費事撩到自己心煩。今晚早啲收檔唞下，聽日再算。