水瓶把口快過個腦應承幫人，轉頭就想反口，收返句話朋友以為你玩嘢

殘月入巨蟹，情緒行先，好易拍心口應承啲自己都搞唔掂嘅事，今日死忍都唔好衝動落搭。

月亮喺巨蟹座得返四分一光，情緒仲係好敏感，好易諗返以前啲嘢。太陽六合月亮，身邊人對你幾包容，你千祈唔好見人哋咁好人就亂咁應承。今日講出口嘅承諾，過幾日你一定會想反口，尤其係應承幫人處理私人事務嗰類。工作上見到有漏洞想出手，諗清諗楚先好郁，唔係就會好心做壞事。愛情方面，另一半或者朋友想聽你意見，你講到咁實牙實齒，轉頭改口就好難睇。財運平穩，把緊心軟嗰關，唔好借錢出去。