朋友聚會太頻密食到胃脹 舊人突然上水覆機前諗清佢動機

月亮對分木星，朋友邀約多，但小心俾人佔便宜。

今日月亮留喺水瓶座，同木星形成咗對分相位，你身邊班朋友會特別熱情，成日搵你食飯或者幫手。你份人又好難開口拒絕，不過要提防有人借你過橋，只係想滿足自己嘅需要，並非真心同你friend。金星仲行緊逆行，愛情上舊事舊人會浮返上嚟，覆對方之前諗清楚先。

工作上暫時唔適合做大決定，木星將所有可能性都放大晒，好容易揀錯路。不如留返啲精力處理日常瑣碎嘢。健康方面要留意腸胃，朋友聚會多咗，食嘢記得節制。