想重新排過屋企格局但長輩會黑面 舊人忽然聯絡先拖住唔好應承住

月亮喺水瓶座夾埋土星，想改革又怕搞錯，今日少啲衝動，多啲睇人面色。

月亮今日躝咗入水瓶座，仲同土星黐得好近，你個腦會無端端彈一堆新想法出嚟，特別係工作或者屋企嘅鋪排。之但係土星呢粒嘢出咗名嚴格，會迫你諗清諗楚先准開工，唔好一時興起就推冧晒重頭嚟過。你好有種「想話事」嘅慾望，偏偏今日唔係硬闖嘅時機，對住班舊同事或者長輩嗰陣，你越急就越易食檸檬。

金星仲行緊逆行，感情上你好易諗返轉頭，甚至有機會同某個舊人聯絡返。唔好急住落決定，錢銀來往更加要小心，今日就算要簽字都睇多兩眼先。健康嗰邊，瞓覺質素麻麻，可能係個腦太多嘢諗，臨瞓前聽吓輕音樂，或者隨手寫低聽日要處理嘅清單，等個腦可以收工唞吓。