山羊把口快過個腦應承咗先，簽約拍板按住等個天明朗再出手

月亮喺水瓶座，容易諗多咗而分心，太陽對分海王星令界限模糊，今日唔適合做重大決定。

太陽同海王星對分，個相位仲要咬得好實，你會發覺自己把口快過個腦，應承咗啲實情搞唔掂嘅事。有時係對人對事嘅期望一下子扯得太高，偏偏現實冇咁順攤。月亮留喺水瓶座，加上係盈凸月，啲思緒跳嚟跳去，係咁諗將來點樣點樣，但手腳完全唔願郁。

做嘢嗰陣，數字同文件要打醒精神，海王星搞到你眼大睇過龍，好易漏嘢。簽約或者拍板呢類大事，最好按住唔做，等個天明朗返先出手。同人相處果邊呢，一係你就曲解咗人哋嘅意思，一係自己講到一舊雲，寧願嘢嘢講到白，免得以為對方明，實情錯晒。