同事開口求救把口快過個腦 處女即刻答應搞到自己頂硬上

月亮喺人馬座令你想衝動做決定，但金星逆行令你猶豫。頂住壓力，唔好亂應承人。

月亮今日轉入人馬座，係眉月，得返四分一光，你心入面有股氣，好想即刻做啲嘢，尤其係職場上見到個空隙，腦海已經轉咗幾個唔同嘅諗法。太陽喺天秤座同月亮夾成六合相位，本身係好事，即係話你想嘢嘅時候仲會平衡到理想同現實，弊在金星逆行緊，搞到乜信心都散晒，驚死自己會揀錯路。

最麻煩嘅位係把口快過個腦。同事或者朋友問你「幫唔幫到手」，你明知自己已經排到密質質，但係怕推咗人哋會傷感情，一句就答應咗。最後搞到自己冇覺好瞓，仲要頂硬上。今日要練吓講「等我諗諗先」，留半日俾自己消化清楚，先至回覆。