同事排隊問嘢你逐個點醒 前度突然蒲頭當食餐飯就算

今日月亮喺水瓶座，雙子座特別想幫人解決問題，但係要注意自己能力範圍，唔好亂咁應承。

月亮今日坐喺水瓶座，同土星夾咗個好緊嘅六合相位，你個腦轉得特別快。人哋啲問題癥結，你一望就穿。同事朋友實會走埋嚟問嘢，你亦句句到肉，直擊重點。不過要小心，幫人還幫人，唔好順手將人哋嗰份責任都攬埋上身，好易搞到自己兩頭唔到岸。

金星仲逆行緊，舊情人個樣突然彈出腦海，或者佢本人真係會無端端出現。今日絕對唔係重頭嚟過嘅好日子，當普通敘舊就好，唔好諗多咗。工作上適合砌文件同埋搞研究，你啲邏輯思維呢排好煞食。但係點都要留返啲時間俾自己唞下。