人馬今日把口快過個腦，隨口應承人兩日後就知瀨嘢，回覆舊訊息好過開新局

月亮金牛令你情緒慢熱，木星相位令你應承得快，但做得慢，今日講嘢要留神。

月亮今日坐喺金牛座，連帶你嘅情緒都比平時慢半拍，好多嘢你想即刻郁手，但其實個心未準備好。偏偏月亮刑埋木星，令你見到人哋開口就話「得，冇問題」，應承得快過個腦。今日最忌就係隨口應承人哋，事關過多兩日你就會發現自己根本兼顧唔嚟，最後要臨時甩底，破壞自己個信譽。

好彩嘅係，太陽喺天秤座為你帶嚟人緣光環，只要你肯坦白講自己嘅限制，人哋都會諒解。今日最適合做嘅，反而係回覆啲舊訊息，或者處理啲拖咗好耐嘅瑣碎文件。唔好急住追求新開始，慢工出細活。夜晚時間情緒特別敏感，唔好諗埋啲無謂嘢，早啲瞓有助穩定心緒。