橫濱商場豎《FF》及《DQ》聖誕樹 史萊姆聖誕老人降臨
日本橫濱港未來區的Mark Is與Landmark Plaza商攜手Square Enix,推出《Final Fantasy》及《Dragon Quest》主題聖誕活動。巨型陸行鳥與史萊姆聖誕樹、限定精品、印章收集等趣味環節,吸引遊戲迷專程到訪,直至明年1月11日。
距離聖誕老人送禮仲有一個月,但日本橫濱嘅Square Enix經典角色已經率先到場。陸行鳥(Chocobo)同史萊姆(Slime)呢兩位《Final Fantasy》同《Dragon Quest》嘅吉祥物,呢個聖誕節進駐橫濱港未來區,邀請 fans 一齊食嘢玩樂,仲有好多得意裝飾。
據《SoraNews24》報道,Mark Is 同 Landmark Plaza 呢兩個商娛複合體,今個冬天會展出大量 FF 同 DQ 怪獸。由東京市中心搭半個鐘火車到港未來站,一出閘就見到 Mark Is 地下室入口,旁邊就係史萊姆堆疊——呢班魔物本來想合成一隻大王史萊姆,但失敗咗就變成咁樣。
場內仲有印章收集活動,六個印章分佈喺兩個商場,儲齊就可以換到冬季限定貼紙。另外,Mark Is 大堂擺咗一棵《FF》同《DQ》混合聖誕樹,樹下係巨型陸行鳥同史萊姆裝飾,樹上掛滿兩系列嘅怪獸同角色。Landmark Plaza 都有一棵,風格就比較優雅,用咗水晶主題,樹下仲有 Cloud 嘅 Buster Sword 同傳說英雄羅圖嘅劍。
精品方面,Mark Is 地面同五樓分別有兩間舖,賣限定商品,例如陸行鳥同史萊姆喺橫濱景點(Landmark Tower、紅磚倉庫、中華街等)做背景嘅 tee 同鎖匙圈。仲有 Slichoco Kitchen 主題咖啡店,提供陸行鳥熱朱古力、流星雪糕同史萊姆草莓蛋糕,每款食物或飲品附送六款設計之一嘅杯罨。
活動即日起至 12 月 27 日舉行印章收集,裝飾則保留至明年 1 月 11 日。如果你係 FF 或 DQ 迷,又喺橫濱附近,不妨去感受下呢個遊戲界嘅聖誕氣氛。