開會齋講大方向被嫌離地，放工返屋企唔好命令式同家人傾偈

今日你講嘅嘢好易俾人誤解，自己又覺得冇錯，小心同上司拗撬。

今日太陽仲喺天秤座，月亮就行到水瓶座，仲係光猛嘅盈凸月。你發表自己睇法嗰陣，會覺得好有道理，但對方聽落未必係嗰回事，可能會嫌你離地。尤其開會傾公事，你一味講大方向，同事聽完就話你忽略細節，隨時搞到兩頭唔到岸。

加上月亮對分木星，你份人本身就大膽，今日更加信心爆棚，但呢股氣勢好易壓親身邊嘅人。開口之前，最好唞多兩秒，問下人哋點諗先。

屋企方面，家人或者另一半會覺得你太自我，就算你出於好意，聽起嚟都似命令多過商量。不如放低手機，專心聽佢講完，你再慢慢解釋。

身體冇乜大問題，不過月亮咁光，夜晚有機會瞓得唔係幾好，仲可能會扎醒。建議臨瞓前一個鐘唔好睇手機，俾自己靜落嚟。