開會衝口而出講錯嘢，慳錢同人嘈交傷感情，喉嚨乾要飲多啖水

新月喺處女座，你今日講嘢容易惹誤會，尤其係同同事溝通要小心。

今日處女座嘅月亮同太陽一齊夾擊火星，把口快過個腦，諗都未諗掂就衝口而出。返工開會或者同客傾嘢嗰陣，講錯嘢嘅機會好高，特別係你自以為講得好清楚，人哋聽落反而一舊雲，甚至覺得你串緊佢。

錢銀方面，受新月影響，你對自己啲開支會特別緊張，不過唔好因為慳嗰少少就同人嘈交，友情點都緊要過嗰幾蚊。健康要留意喉嚨同聲帶，今日飲多啲水，廢話就少講兩句。

愛情運就麻麻，你今日成個樣好似好煩咁，另一半問你你又唔肯講，搞到對方以為你嬲咗佢。查實你只係喺度諗緊自己啲事，攤出嚟講清楚就冇問題。