開會插嘴捉錯重點惹反感，朋友借錢投資咪心軟應承

今日月亮喺人馬，你講嘢會好急，衝口而出嘅說話容易搞到同事唔開心，開口前停一停。

個腦轉得飛快，諗到乜就即刻彈出口，自己覺得盞鬼風趣，但傳到同事耳邊就變咗另一回事，好似針拮咁刺耳。開會嗰陣最明顯，你忍唔住插嘴想刷存在感，點知捉錯重點，上司望落就覺得你唔識尊重人。

錢銀呢邊有暗湧。會有朋友問你借錢，又或者慫恿你夾份投資，你一個心軟加衝動就好易應承。水緊嘅時候先最易亂使錢，今日最好勒住個銀包，唔好買啲根本用唔着嘅嘢。

身體方面，成日心掛掛搞到夜晚又瞓得唔好，今日自然周身攰。放工就乖乖地早啲唞，唔好再捱夜，聽日先有力氣頂住新挑戰。