開會把口太鋒利隨時辣㷫人 財運到想買電子嘢記得忍手

今日太陽六合火星，你講嘢特別有說服力，但慾望大咗，使錢要忍手，唔好衝動買嘢。

太陽六合火星，你今日一開口就自帶氣場，啲人自然會留心聽。開會嗰陣你嘅意見隨時左右到最終決定，係威。不過把口太鋒利好易辣㷫人，記住畀啲溫柔，唔使吓吓咁硬淨。

財運嗰邊就要醒神啲。銀包有少少脹咗，你會身痕想使錢，尤其見到電子嘢或者靚錶嗰陣。忍一忍先。問多自己兩句真係要買？月娘走入天蠍，會搞到你對錢銀好敏感，人哋傾錢嘅時候，咪咁快覺得人哋想陰你。

做嘢方面，今日自己個擔子已經唔輕。上司隨時掟多份嘢過嚟，應承咗先發覺頂唔順就麻煩。幫人頂更或者孭鑊呢啲，今日避得就避。

講到健康，精神係夠嘅，但條頸同膊頭會崩緊。坐得耐一定要起身郁吓。今晚咪死頂捱夜，唞足精神先應付到聽日場硬仗。