開口易得罪人 拍檔覺得你黑面 放軟把聲免傷和氣

溝通上要多啲耐性，唔好急住表達，小心誤會。

水星今日頂住土星，你開口講嘅嘢好易俾人扭曲意思，又或者係你自己表錯情。工作上記低重點，確認清楚先好做。上司同同事覺得你態度麻麻，查實只係大家個腦唔同步。

財運方面，今日咪搞重大投資，合約同合作嘅嘢拖多一日先傾穩陣好多。健康要睇住喉嚨同棚牙，好易敏感或者發炎。

愛情上，同另一半講嘢放軟啲，你覺得小事一樁，對方可能已經記住咗。單身嘅話，今日唔好諗表白或者約人出街，講錯嘢真係乜氣氛都冇晒。