開口交代數目好易惹誤會，寧願打字留底，同同事食飯反而傾得掂個project

今日講嘢容易俾人解錯，尤其涉及錢銀嘅事，最好寫低confirm。

今日月球同海王星嘅角度令你講嘅嘢好易俾人誤解，返工傾錢銀嘢特別明顯。你一心諗住交代清楚，對方聽完竟然完全搞錯方向，轉頭仲要話返你。所以開聲之前真係要諗多一步，遇上重要嘅交帶，索性打段字WhatsApp確認，穩穩陣陣。

做嘢嗰陣睇實文件細節，好在金星同火星夾得唔錯，同同事食晏吹吓水，隨時傾得通之前塞住咗嗰個project。

屋企嗰邊，另一半或者屋企人會無端端走嚟問你意見，查實佢哋只係想搵人安慰，唔係要你畀解決方案，記住聽多過講。

財運叫做平平，忍手唔好亂買嘢，網購更加要停一停。健康方面，月光影響到你身體處理水份，下半日對腳易腫或者攰賴賴，日頭飲夠水，但臨瞓就唔好猛灌。