銀行借頭借路加手續費 外幣兌換轉賬前自己計清楚先扑錘

今日辦銀行手續要望清楚，隨時俾人收多錢。

太陽今日留喺天蠍座，處女座嘅月亮得返兩成幾光，財運認真麻麻。金星同木星仲要黐到實，銀行有機會借頭借路加你手續費，尤其係外幣兌換或者轉賬，扑錘之前自己撳一次計數機穩陣啲。

返工嗰邊俾水星逆行搞到立立亂，收發電郵成日甩漏，重要嘅文件記得覆核多兩次。同同事傾偈嗰陣，你把口講東佢對耳聽西，有乜不如書面確認，少啲爭拗。

屋企呢，近排濕氣重，撞正個月殘殘哋，個人好㷫，收工返去最好匿埋一陣回一回氣，費事同屋企人面左左。健康方面，頸同膊頭硬過石頭，食晏記住抽時間鬆一鬆。