講錢講數把口唔聽使 三百變三千 簽嘢過數前核實銀碼先落筆

今日水星六合木星，溝通同錢銀數字上容易有誤會，簽單前要再三核對，慳得就慳。

羊仔羊女，今日你把口好似特別唔聽使，尤其掂到錢銀數字嗰陣，明明講緊三百，人哋硬係聽成三千，成件事亂晒大龍。簽文件或者過數之前，就算趕到甩褲都停一停，睇真個銀碼同合約細節先落筆，否則蝕咗底都唔知邊度出錯。

工作上個腦有啲實，上級或客戶畀嘅指示，最好複述一次確認，尷尬好過事後口同鼻拗。同事之間隨時因為芝麻綠豆嘅嘢起爭執，你肯讓半步就乜事都冇，無謂咁執著。

錢財方面，今日使凸咗嘅機會好高，買嘢之前停低問吓自己係咪真係有用。網購特別高危，貪平撳兩撳就買咗堆冇用嘅嘢返嚟。健康冇大礙，係個人有啲忟憎，出街食飯揀清淡少少，飲多杯水就順返條氣。