蛇仔燥底一觸即爆 同人意見不合最好吞咗先

金火相沖影響情緒，做決定要停一停，免得同人嗌交。

屬蛇嘅你今日把口要特別留神，金星同火星貼到實一實，燥底起上嚟好易一嘢爆開。工作上同同事意見唔啱，最好吞咗佢先，或者用紙筆記低，等個腦冇咁滾先拎出嚟講。

今日係新月，月亮同太陽都喺天秤座，本身係新開始嘅格局，弊在金星同火星嗰個相位太緊，感情上好易表錯情。同另一半傾偈嗰陣，咪即刻彈返轉頭，停一陣，攤凍少少再慢慢傾。

錢銀方面，今日唔啱同人夾份投資。身體上要留意血壓同行氣，脾氣一嚟好易飆上去，得閒行開斟杯水飲，唞順條氣先。