老細講嘢逐個字拆清 同另一半試新餐廳隨時嗌到拆天

今日有殘月頂住，雞友仔把口好易惹人誤會，打工仔要醒定啲。

雞年出世嘅朋友，今日唔到你發圍。太陽仲喺天蠍座，加上月光殘到得返11%，你啲運氣就同佢一樣暗淡。打工仔返工要打醒十二分精神，老細講嘅嘢要逐字拆清楚，事關啲責任好易會賴落你身上。屋企方面，同屋企人傾偈唔好郁啲就忟。尤其係掂到錢銀嘢，一講實火燭。

水星同金星都喺度逆行緊，你同人溝通、感情全部容易撞板。今日同男朋友或女朋友食飯，最好揀返平時去開嗰間餐廳，唔好搞新嘢，廢事拗到拆天。健康方面，殘月搞到個人精神麻麻，夜晚早啲瞓，咪捱夜睇手機喇，聽日先再搏過。