羊仔開會把口俾人打亂陣腳 屋企關心變挑剔 月尾唔好借錢俾人

今日講嘢成日俾人截住，原因係水星同火星夾埋搞事。

今日羊仔女真係要打醒十二分精神，尤其開會或者傾生意嗰陣，你講親乜都俾人打斷，仲要係啲無謂嘢。呢個唔係你嘅問題，係水星同火星喺度鬥氣，搞到你明明諗好晒，一開口就亂龍。做文職或者企前線嘅，今日最好將重要嘢寫低落嚟，用 email 或者 WhatsApp 掟出去，費事口頭講錯。

屋企嗰邊都唔好得去邊，同屋企人傾偈好易火滾，佢哋明明關心你，你就覺得俾人挑剔到正。今日收工最好自己匿一匿，等道火熄咗先返去。

錢銀方面，今日唔好同人夾份買嘢，借錢俾人更加免問。月尾手頭已經緊，仲要撞正虧凸月，啲錢拎出去易，想收返就難過登天。唯一係健康叫做穩陣，只要忍到把口唔同人嘈，血壓就唔會飆。