簽約前發現對方留有一手 今日唔好信直覺

交友同生意要打醒精神，唔好亂信人。

牛仔牛女，今日太陽仲喺天秤座，日子表面睇嚟幾好，但月亮喺巨蟹座仲係下弦，光得四成幾，示意好多嘢睇得唔清楚。加上火星同冥王星對到實一實，啲人容易心腸變黑，搞小動作。

如果你今日要見新客或者傾生意，千祈唔好心急簽約，最好畀多啲時間核實清楚。老友或同事借錢，都係婉轉啲好，費事年尾先嚟後悔。

屋企方面，有啲家事可能俾人呃咗好耐，今日係時候拆穿。唔好怕面懵，總好過蝕大底。