猴仔返工俾同事焫著想爆粗 收工返去嫌屋企人煩 忍手唔好網購 膊頭腰骨要郁下

月亮對分土星，情緒容易繃緊，同人溝通要特別小心。

隨住月亮喺天秤座對分土星，你全日情緒都好易拉到行一行。返工嗰陣，同事講句唔啱聽嘅說話，你就可能一句爆咗出嚟，搞到場面幾尷尬。尤其係開會又或者傾緊合作細節，真係要忍一忍，唔好即刻駁嘴，畀十秒自己抖抖先開口，效果會好啲。

收咗工返到去，另一半或屋企人問吓普通日常嘢，你聽落硬係覺得好煩厭。記住今晚絕對唔係適合嘈交嘅時候，最好食完飯早啲唞，又或者自己落街行個圈，等個心情平復少少先返去。

錢銀方面，今日可以忍手就忍手，見到咩「限時優惠」都唔好衝動，過埋今日先再決定。健康方面就留意吓條腰同膊頭嘅位置，坐得太耐要起身鬱動下，放鬆返啲肌肉。