狗仔把口易踩人痛腳 返工收埋八卦咪掂同事私事 放工帶小食氹伴侶免嘈交

太陽夾月亮口多易得罪人，打工仔少講是非，財運一般唔好亂投資。

今日太陽同月亮個相位唔係咁靚，你把口好易踩中人哋痛腳，有時講完先醒起對方根本冇興趣聽。返到公司盡量收埋啲八卦，尤其咪掂同事私生活嗰瓣。老細問你點睇，點到即止就得，咪猛咁硬銷自己嗰套。

財運冇乜起色，唔好聽埋啲即日鮮貼士，揸實現金最安全。身體要顧住條腸胃，食嘢狼得滯會頂到個胃仔好唔舒服。

感情嗰邊，伴侶今日神經好纖細，你無心一句衝口而出就搞到兩個人都唔開心。最好放工順路帶啲佢鍾意嘅小食返去，咪鬼死都要拗到贏。