把口快過個腦頂到同事起晒槓 碌卡前收手唔好同人講錢住

今日同人傾生意或家事都易有火花，金逆夾冥王星令你忍唔住，講嘢太直會得罪人，忍一忍先。

屬狗嘅你今日把口快過個腦，一開口就頂住人。工作上同同事傾嘢，明明想解決問題，講講下就變咗拗撬，仲要係你撩起先。金逆加埋冥王星個相位，搞到你對人好敏感，成日覺得人哋句句都串緊你，其實諗多咗。

錢銀方面，今日唔好同人借錢或者追數，手尾長。買嘢都要忍手，見到心頭好都係睇定啲先，唔好衝動碌卡。身體冇大礙，但條氣唔順就要記住飲多啲水，行開吓透透氣。

感情事上，同另一半或者屋企人講嘢放輕聲，你越大聲越冇人聽你講。今晚早啲返屋企食餐安樂飯，聽吓歌放鬆吓，唔好再諗啲煩嘢，聽日先算。