把口快過個腦一講就出事 開會傾偈忍一忍拖多日先簽約

月亮夾火星令你把口太快，容易得罪人，今日最好少講廢話。

今日月亮合相火星，你把口會特別快，有時諗都未諗清楚就爆咗出嚟。返工嗰陣，尤其開會同傾偈，容易因為一句唔經大腦嘅說話搞到場面尷尬。建議你今日盡量少講嘢，多啲聽人講，等自己冷靜啲先開口。

屋企方面，同屋企人嘅對話都要忍一忍，唔好因為小事就嗌交。錢銀方面，今日唔適合做重大決定，涉及合約或者投資嘅嘢，最好拖多一日先。身體方面，留意喉嚨同牙骹，可能因為壓力咬緊牙關，記得放鬆下巴。