把口今日唔可靠 寫低交代免誤會

溝通上要小心，水星對分土星令你講親嘢都容易引起誤會。

今日你講嘅嘢，十句有八句都俾人解錯。唔係你講得唔好，係對方聽嘅時候帶住偏見。工作上要交代細節嗰陣，最好寫低畀人睇，唔好齋用把口講。

同屋企人講錢銀問題要格外謹慎，一句唔小心就會搞到大家唔開心。寧願寫低個數，逐項講清楚。

健康方面冇乜大問題，但係因為溝通唔順，心煩氣躁，容易頭痛。盡量早啲收工，畀自己靜一靜。