屋企人一句無心說話即刻焫着 夜晚忍手唔好碌手機亂買嘢

月亮同火星貼近，情緒波動大，同人溝通要忍一忍，唔好火遮眼。

今日月亮夾住火星，你內心嗰把火好易撻着，尤其喺屋企或者同親近嘅人一齊嗰陣，小小摩擦都可以演變成一場大龍鳳。返工方面，同事或者老細講嘢可能唔多順耳，但你一駁嘴件事就會更大鑊。財運冇乜特別，不過要小心衝動買嘢，特別係夜晚碌手機嗰時，好易落單買咗唔等使嘅嘢。健康方面，頭痛同腸胃唔舒服可能要留意，盡量飲多啲水，唔好飲凍嘢。愛情運一般，另一半可能覺得你今日特別敏感，與其硬碰硬，不如自己匿埋一陣冷靜下。