對文件合約特別易睇漏眼，同事臨時改要求打亂你成個節奏

今日簽文件、覆電郵要打醒精神，太陽對分海王星搞到你眼矇。

太陽今日對衝海王星，呢組相位令你判断力跌watt，對住文件、合約嗰陣特別容易睇漏或會錯意。月亮留喺水瓶座，本來想你專心處理自己手頭嘅事，偏偏同事或者客戶臨時改要求，成個節奏亂晒大龍。

工作層面，交貨前最好反覆核對，數字同日期係重災區。財運方面，切記咪心急走去投資，你今日嘅直覺唔多靠得住。身體就要留意對眼，望得mon耐記得定時唞一唞。

愛情運平平，單身嘅話，擦身而過嘅對象講嘢經常模稜兩可，有伴嘅就暫時避開傾錢銀嘢。