冇覺好瞓返工記性慢幾拍，同事偷橋咪爆新計劃細節，網購忍手咪落單

滿月光太強，豬仔夜晚易醒，日頭精神麻麻，小心決策出錯。

個月亮掛喺金牛座，光猛到離譜，你尋晚多數又係典嚟典去冇覺好瞓。日頭返到公司，記性同反應硬係慢咗幾拍，撞正要拍板嘅位，拖到聽日先郁手會穩陣好多。

太陽同冥王星挨到咁近，暗示身邊有同事靜靜雞搞小動作，你份報告或者開會講嘅嘢，隨時畀人偷埋橋。今日唔好咁快爆出新計劃嘅細節。

荷包嗰邊，水星同金星呢排都逆行緊，買嘢好易中伏後悔，特別係網購。想入手嘅電子產品，忍多一個禮拜再諗。

屋企方面，滿月會將情緒放到好大，女人（阿媽或者老婆）把火特別㷫。你千祈唔好駁嘴，畀佢呻完就散，費事愈撻愈大鑊。