傾Project易被曲解 寫低重點叫人覆多次穩陣啲

太陽喺天蠍座，月亮喺獅子座下弦，水星逆行，溝通行事要小心。

龍仔龍女今日要打醒精神。太陽仲喺天蠍座，月亮就落咗去獅子座下弦，光度得返一半左右，加上水星金星都逆行，你講嘅嘢對方好容易聽錯或者曲解你嘅意思。返工特別煩，send email傾Project嗰陣，最好寫低重點，再叫對方覆一次確認，穩陣好多。

夜晚返到屋企，月亮逆位會令你脾氣有啲躁，同屋企人講嘢記得忍一忍，費事無啦啦嘈交。錢銀方面，太陽刑相月亮，財運唔算旺。今日唔好衝動買嘢，網購就更加要停一停，諗清楚先落單。

呢排太陽刑相搞到身體有啲唔順，尤其心氣同腸胃。食嘢揀清淡啲，夜晚早啲休息，唔好捱夜。