俾客寸兩句成肚火想爆 忍手唔好秒回email 收工唔好同friend借錢周轉

月亮合火星，情緒上頭，講嘢太衝，小心得罪人。

今日月亮夾埋火星，你啲情緒會好波動，特別喺工作上頭。一唔順意就想爆，記住呢個天象會令你把口特別易出事。明明冇惡意，傳到人哋耳邊就變咗攻擊，同事或者客戶總覺得你態度差。所以忍一忍，收一收把口，等個火褪咗先講。

錢銀方面，今日唔好衝動簽約或者借錢。尤其係朋友開口問，一定要諗清諗楚先。健康留意頭痛同牙肉腫，壓力一大呢兩瓣就走出嚟。愛情上同另一半傾計要溫柔啲，掘頭掘腦好易將小事拗成大大鑊。