雙魚遇人推Job或投資咪心軟 舊朋友飯局反而最穩陣

今日太陽同冥王星角度唔靚，容易遇到呃你嘅人。

太陽躔天蠍兼同冥王星有相位，氣氛有啲暗湧，雙魚要打醒精神。有人兜搭你話有 Jetso，咪心急，停低諗真兩秒先。你心地好，傾向信人，偏偏呢期專出啲靠呃食嘅角色。

月亮留喺金牛，光度仲係幾飽滿，情緒唔會太飄，但都要提防俾人帶住遊花園。講到銀紙，任何叫人投資、夾份或者狂推產品嘅嘢，今日最好耍走佢，唔係搵錢時辰。愛情嗰邊，約返班舊友或者同摸清底細嘅人相處就穩陣，新相識嘅唔好太快交個心出去。