雙魚傾到興起順口應承人 金星逆行好易翻舊帳 校個鬧鐘限時保平安

月亮對分木星令你今日好易同人傾得太投入，記住留返啲時間俾自己。

今日輪到月亮走入水瓶座，仲係盈凸月，光度咁猛，搞到你把口停唔到，好想捉住人係咁傾。最大嘅原因係月亮啱啱對分咗木星，相位爭零點幾度咋，你自然越講越興奮，收唔到掣。

之但係金星仲行緊逆行，關係嗰瓣好易翻舊帳。傾偈最好幫自己校個鬧鐘限時，如果唔係，順口應承咗人哋嘅嘢，轉個頭先發覺根本做唔掂。夜晚點都偷半個鐘出嚟，唔使理人，靜靜哋唞下，對你先最好。