開心傾偈停三秒先好畀反應，應承咗人做唔到仲麻煩

月亮夾埋金星一齊，講親身啲嘅話題要小心。

今日月亮啱啱同金星夾得好埋，雖然係好親密嘅相位，但對於處女座嚟講，呢種「太貼近」反而容易令人放低防備，將自己唔想講嘅心事爆咗出嚟。

加上月亮喺雙子座，把口快過個腦，可能一開心就應承咗第日做唔到嘅嘢。聽電話、傾公事之前，叫自己停三秒先講嘢，今日就穩陣好多。