白羊座亂應承人易出事 畀個時間自己再覆啦

月亮喺獅子座對分冥王星，今日容易應承過頭，小心講咗做唔到。

今日月亮喺獅子座，同冥王星形成對分相，仲要係殘月，氣勢本身已經弱。你嘅自我要求會忽然變得好高，明明冇時間冇精力，都忍唔住開口應承人。呢種「先答應再算」嘅習慣，今日特別容易惹禍。

尤其係工作上，上司或者同事一開口，你就想 show 自己搞得掂。但實際計吓條數，根本做唔切。與其應承咗先嚟後悔，不如坦白話「我要睇吓個 schedule 先」。今日健康都係，唔好死頂，覺得攰就坐低抖抖。