把口收慢半拍 放工唔好約人 留低半個鐘執嘢最實際

月亮喺自己地頭，情緒睇落穩定，但火星同水星差啲打交，把口隨時唔受控。

月亮仲留喺巨蟹座，今日你特別容易覺得自己冇錯，尤其係屋企或者熟人身邊，把口會特別快。水星同火星幾乎疊埋一齊，成個天象好似逼你講真話，但呢啲真話未必個個受得起。老細問你意見、同事撩你傾計，一唔留神就會講咗平時忍住嘅嘢。

好彩月亮喺自己位，只要你肯收一收把聲，今日反而係清理舊文件、整理房嘢嘅好時候。唔好約人食飯傾嘢，尤其係夜晚。放工留低半個鐘，靜靜哋做自己嘢，聽日會多謝自己。